Японы хөрөнгө оруулалттай “Сансар Бридж” ХХК-ийн Сэкитэй ресторан нь 1998 онд Монголын анхны Япон хоолны ресторанаар нээгдсэнээс хойш өнөөдрийг хүртэл 20 гаруй жил тогтвортой үйл ажиллагаа явуулж байна. Манай ресторан нь нийт 40 орчим ажиллагсадтай бөгөөд Япон үндэсний 100 гаруй нэр төрлийн хоолыг амт, чанартайгаар та бүхний зоогийн ширээнд хүргэдэг билээ. Бид түүхий эд материалаа дотоод болон Япон, БНСУ-ын бэлтгэн нийлүүлэгчдээс хангадаг буюу үндэсний үйлдвэрийн мах, махан бүтээгдэхүүн, хүнсний ногоо, Япон, Солонгол улсаас загас, бусад далайн гаралтай түүхий эдийг тухай бүрт татан авалт хийж чанарын стандартын дагуу эрүүл, аюулгүй, шинэ хүнсээр хүн бүрт чанартай зоогоор үйлчлэхийг хичээн ажилладаг.